روايتي الجديده بين يديكم ((يآآآآحسافة)) - الصفحة 15

دمعة ندم* · منذ /01-21-2012, 01:16 AM

صباااحكم ورد وفل ويازمين ^_^

ادري زعلانين على لاني تأخرت بس تعرفون مشاغل

ومحسوبتكم صارت سيده اعمال هههه تويجره صغيرونه >>>>ارحمينا بس

الموهيم مااطوول عليكم واخليكم مع الباااارت

دمعة ندم* · منذ /01-21-2012, 01:35 AM

الـــــــبــــــ18ــــــــارت

"شمس عازمه حسنا بالبيت"

حسناء/والله ماكان له داعي ياشموس

شمس/اقول اسكتي اذا مافرحت باختي وحبيبتي حسناء بمين افررح؟

مزون/بدى النفاق

شمس/انتي تدرين انه موشمس الي تنافق

حسناء/بنات لاتبدون خناق ابي استناس بالحفله ههههه

مزون/ايه يحق لك مو صرتي مرت الشيخ فايز

حسناء/يافديته ايوالله انه شيخ وسيد الشيوخ بعد

شمس/بروح اجيب القهوة والحلا

>>بعد ماراحت شمس

مزون/ابي اعرف كيف فايز يخطبك انتي ممكن تفهميني؟

حسناء/كيف يعني؟

مزون/انتي عارفه انه يموت فيني وكم مره قلت لك كيف

ضحكتي عليه وخليتيه يخطبك؟

حسناء/.................

مزون/هو قالي انه يحبني وبيجي يخطبني بس انتي شكلك لعبتي براسه وخليتيه يخطبك انتي طول عمرك تكرهيني لاني احسن منك وابوي اغنى من ابوك

حسناء/بس عااااد..لهنا وكفايه دووم اتحملك واتحمل سخافتك بس توصل لهالكلام لا وستين لا..

فايز ماعمري قربت منه او لساني جاء على لسانه

تفاجأت مثلي مثلك لما جاء وخطبني..ولو كان يبيك ماكان

خلاك..وبعدين مو طول عمرك تعيبين عليه وانك تكرهينه؟

الحين صار حلو لما خطبني؟

مزون/هين ياحسنوة والله وصار لك لسان ترادديني؟

طيب اوريك ان ماخليته يفسخ هالخطبه واخلي سيرتك على كل لسان مااكون مزون

حسناء/حسبي الله عليك ياشيخه ربي يانتقم منك

>>>دخلت شمس

شمس/وهذي القهوة وصلت

مزون+حسناء/..............

شمس/اشفيكم ؟حصل شي؟

حسناء/انا لازم امشي

مزون/احسن

شمس/وشو الي تمشين؟على كيفك هو؟

حسناء/جد شمس لازم اروح احس مخنوقه

مزون/اجلسي انا بخلي لك المكان واطلع

>>>بعد ماراحت مزون

شمس/وش صار؟

حسناء/قهرتني ياشمس

شمس/ليش وش قالت؟

حسناء/تقول ليش اخذ فايز منها وانه يحبها ووعدها بالزواج وانا لعبت عليه وسرقته منها

شمس/ماعليك منها هي مقهورة منك

حسناء/مدري بس احس فايز يحبها

شمس/لو يحبها ماخطبك انتي وبعدين هو سئلني عنك

وعن اخلاقك.ولو ماكنتي في باله ماسئل صح؟

حسناء/ياكلبه وليش ماقلتي لي انه سئل عني

شمس/اسرار المهنه ياقلبي ههههههه

حسناء/فديته

يعني مزون كذابه؟

شمس/ايه كذابه ..يالله فكيها وخل نحتفل فيك البنات شوي وبيجون

حسناء/الله يريح قلبك ويفرحك برجعه سعد

شمس/امين

***************************

بعدها باسبوعين

شمس((ياربي الحين امي بجنبي ولااقدر انام

بحضنها؟نفسي اكون معها كفايه انحرمت منها كل

هالسنين..بس ماراح يخلوني وبيقولون وش هي لك

عشان تخلين بيت رجلك وتروحين عندها؟

بس تعبت والله تعبت ومقدر اتحمل..امممم انا لازم اشوف لي حل))

>>>قامت لبست عباتها وطلعت

وعند الباب صادفها لافي الي له كم يوم مالمحها

لانها صارت تتعمد ماتطلع قدامه

لافي بصوت حنون/هلا شمس كيفك؟

شمس/بخير

لافي/دوم يالغاليه

شمس/عن اذنك

لافي/وين رايحه هالحزه.الدنيا ليل؟

شمس/اروح وين مااروح وش دخلك فيني

لافي /على هواك>>>وخلاها ودخل البيت

شمس((غريبه ؟وشفيه؟))

>>>>كملت طريقها لبيت خالها ابو ناصر

دقت الباب ودخلت

شمس/كيفك ياخاله؟

ام ناصر/بخير يابنتي حياك تفضلي

شمس/عمي ابو ناصر موجود؟

ام ناصر/ايه موجود ليش عسى ماشر؟

>>>قطع كلامهم ناصر

ناصر/مسسسساء الورد

ام ناصر+شمس/مساء النور

ناصر/هالخايس ليش مادخل كنت ابيه

ام ناصر/من؟

ناصر/اليشخ لافي شفته من فوق السطح صفرت له بس طنش وراح

شمس/لافي

ناصر/ايه لافي يعنني مسويه نفسها ماكانت خايفه وقالت وصلني يالافي ههههه

شمس((يعني كان يتابعني

؟))

شمس/يمكن كان مار من هنا انا ماشفت احد

ناصر/ايييه صدقني يعني ..ماعلينا اسمعي ياعسل بما انك

شرفتينا الليله ابيك تسوين لي من يدك الحلوة الحلا هذاك

الي كنتي تحطين اذا جيتكم .والله ميت عليه والخايس لافي

ماعاد يعزمني عندكم وان عزمني يادوب قهوه وتمر ويقول تخب علي

شمس((صح كان دوم يقولي يحب هو وناصر هالحلا بس من يوم صار الي صار مات هالحلا مع الي تسويه))

ناصر/هيييييي وين رحتي؟لاتسوين لي حركات بتسوينه يعني بتسوينه

ام ناصر/ياولد استح على وجهك البنت ضيفه وتبيها تضيفك؟

شمس/ماعليه ياعمه بسويه له عالسريع قبل ينام عمي ابو ناصر لان ابيه بسالفه يالله عن اذنك بروح المطبخ

ام ناصر/الي يريحك سويه ..انا بحتريك بالصاله

ناصر/وانا بجي معك المطبخ ههههههه

شمس/ههههههه حياك

**************************

راشد/خلاص اظن كذا كفايه احنا ماقصرنا تقريبا

كل الديار دورنا فيها ومالقيناهم

سعد/خلاص الليله بنمسي بهالمكان وبكره ان شاء الله نمشي لديرتنا..ادري تعبتك معي ياخوي بس كان لازم اوفي بوعدي لشمس

راشد/لاتقول هالكلام تدري اننا اخوان وقلوبنا على بعض

بش مدري ليش قلبي ماارتاح لهالمكان

سعد/كلها نومه للصبح وبنمشي تحمل يادب ههههه

راشد/نتحمل دام اخيرا بنرجع لديرتنا فديتها

سعد/ديرتنا والا الي بديرتنا ههههههههههه

راشد/ديرتنا والي بديرتنا ارتحت

****************************************

ناصر جالس مع شمس بالمطبخ""

ناصر/شموس؟مرتاحه بحياتك؟

شمس/وش هالسؤال؟

ناصر/جاوبي بدون تعليق

شمس/اكيد مرتاحه

ناصر/كـ ذ ا ا ا ا ب هــ

شمس/وليش اكذب؟

ناصر/نظرة عيونك تقول غير كيذا

شمس/................

ناصر/تبين شوري؟خلي سعد يطلقك لان ماراح تقدرين تسعدينه وقلبك مو له

شمس/كنت افكر بهالشي بس بعد ماراح يهيم على وجهه بهالديار عشان اهلي مستحيل اقدر اطلب هالشي

ناصر/ولافي؟

شمس/خلاص انا ولافي مات الي كان بينناوارجوك قفل هالموضوع والا مافي حلا

ناصر/لالا نقفل دام بننحرم من الحلا ياحلوه
////////////////////////////////////

حسناء/يمه استحي

ام حسناء/اقول عن الدلع ويالله عجلي شوي

حسناء/طيب طيب

>>>>شويات وخلصت حسناء وراحت للمجلس

حسناء بصوت واطي/السلام عليكم

فايز/وعليكم السلام.هلا بحرمنا المصون

حسنا بخجل/هلا فيك

فايز يأشر جنبه/تعالي هنا ابيك بشي ضرووووري

حسناء/خير؟

فايز/تعالي وبتعرفين

حسناء جات وجلست جنبه/وشفيه؟خوفتني

فايزمسك ايدها ورفعها لفمه وباسها/فيه اني اشتقت لك

وفيه اني ولهت عليك

وفيه اني حسيت اني ابي اشوفك

بس

>>>حسناء ماتت خجل وماعرفت وش تقول

فايز/امممم وفيه بعد شي خطيييييير مره

حسناء بصوت بالموت طلع/وشو؟؟

فايز طبع بوسه على خدها اليمين /فيه هالبوسه

>>>وباسها ع خدها

فايز/واذا تبين فيه بعد واحده ثانيه ههههه

>>>حسناء دفته بخجل وطلعت تركض لغرفتها

فايز/هههههههه فديت الخجووول ((الحين لازم احط رجلي قبل يجي الشايب مابي يخرب هالجو الي انا داخل فيه هههه))

********************************

شمس/هاه وش رايك حلو؟

ناصر وهو ياكل/اممم يجنن يهبببل تسلم يدك والله لاقهرك يالافي بكره

ام ناصر/ههههههههه صدق بزر وماراح تكبر

شمس/هههههههه

ناصر/بزر بزر بس اكل من هالحلا الزين

دخل عليهم ابو ناصر/مساكم الله بالخير

الكل/مساك الله بالنور

ابو ناصر/كيفك ياشمس؟

شمس/بخير ربي يسلمك

ابو ناصر/خير يابنتي تقول خالتك انك تبيني في امر ضروري

شمس/ممكن اكلمك بروحنا

ام ناصر/انا بروح اصلي ركعتين وبقرا قران خذو راحتكم

ناصر/وانا بطلع عند سالم ولو اني ميت واعرف السالفه

شمس/ههههه اجل موت حررره

ابوناصر/يالله ضف وجهك

ناصر/اييييه ياسعد بكره بتحتاجني اتوسط لك عند منيرة

شمس/هههههههه

ابوناصر/اكيد انت الغالي ومانستغني هههههه

ناصر/الحين؟؟ايييه هين يالله سلام يااهل الاسرار

>>>بعد ماراحو وخلوهم لحالهم

ابوناصر/خير يابنتي وش السالفه؟

شمس بتردد/توعدني تسمعني للاخر؟

ابوناصر/اوعدك

>>>>شمس بدت تحكي له السالفه

**************************************

سعد/آآآآآآه آآآآآآآه رجللللي آآآه الحقو علييييي

راشد قام بخووف/وشفيييك ؟

سعد/آآآآه رجلي قرصتني حييه آآآآآه

راشد/حيييه وينها

سعد/راحت مناك الحقني بموووت

راشد طلع سكين من جيبه/سعد تحمل شوي طيب؟

سعد/آآآآه بتحمل بس بسرعه

**************************************

ابوناصر مصدوووم/الحين كل الي قلتيه حقيقه والا شي ثاني؟

شمس/لا ياخالي هذي الحقيقه .حاولت اخبيها بس ماقدرت

ابوناصر/يعني قمر هنا؟بجنبي؟وانتي بنتها؟مستحييييييل مستحيييل

شمس/والله ياخالي اني قلت الصدق بس امي حذرتني اني مااقولك لانها تقول انك بتذبحها وتذبحني معها

ابوناصر/......................

شمس/انا قلت لها خالي سعد اطيب قلب شفته بحياتي ومستحيل يسوي لنا شي

ابوناصر/لوبذبحها كان ذبحتها من زمان ومن قبل تجيبك

شمس/يعني شفتها؟

ابوناصر/ايه شفتها وفي بيتها بس ماهانت على ورحت وتركتها واعتبرتها من ذاك اليوم ميته وبتضل ميته على طول

شمس/بس ياخالي

ابوناصر/بس وشو؟لايكون تبيني اسامحها؟انتي ماتدرين وش سويت عشانها.ولاتدرين وش سوت فيني هي وابوك. انا بعت اهلي ورحلت عنهم عشانها ابوي مات وانا مشفته عشانها وحسافه عالجزاء الي جازتني فيه

شمس/امي قالت لي كل شي واعترفت لي انها ندمت وكانت تفكرك مت

ابوناصر/وانا فعلا مت بالحظه الي شفتها تترككني غرقان بدمي وتمسك بيد ابوك وتروح نست كل شي ضحيت فيه عشانها

شمس/خالي تكفى سامحها عشاني ولاتنسى انها اختك؟وبعدين ربي جازاها وانعمت عيونها اظن كفايه عقاب رب العالمين

ابوناصر/ماعندي خوات>>>ووقف يبي يروح

شمس وهي ميته من الصياح/خالي اذا لي خاطر عندك سامح الله سبحانه وتعالى يغفر ويسامح وانت ماتقدر تسامح؟؟

ابوناصر /انتي قلتيها الله هو الي يغفر ويسامح مو انا

>>>>وراح للباب .فتح وجاء بيطلع. بس رجعه صوت بكاء شمس

ابوناصر ماسك وجه شمس بين ايديه/انا لو بسامحها بسامحها بس عشان هالعيون الحلوة والي ماتستاهل تنزل دموعها.تدرين كنت ماحب اناظر بعيونك؟

شمس/ليش؟

ابوناصر/لانها تذكرني بعيون امك.وماكنت احب اي شي يذكرني يها

شمس/يعني خلاص بتسامحها؟؟؟

ابوناصر/قلت لك لاجل خاطرك بسوي اي شي

شمس ضمته بقوووة/فديت روحك والله انك احن واحد بالعالم

ام ناصر من وراهم/ماشاء الله تبارك الله شي حلو والله ؟؟؟؟

************************************************

سعد/راشد احس اني بموت

راشد/فال الله ولا فالك اسكت اسكت

سعد/الموت حق ياخوي.بس كان ودي اموت بين اهلى وناسي مو هنا

راشد وهو يمسح دمعته الي نزلت/ان شاء الله مافيك

الا العافيه ..السم وطلعناه وبكره او بعده بنصل لديرتنا وبنعالجك وبتطيب

سعد/ان شاء الله
***************************************
ام ناصر/استغفر الله سامحيني يابنتي

شمس/فديتك ياخاله مسامحتك.بس توني ادري انك باقي تغارين على هالشايب ههههههههههه

ابوناصر/شف البنت يعني عشان صرت خالك بتطولين لسانك

ام ناصر +شمس/ههههههه ههههههه

ابو ناصر/ههههه الله يديم هالضحكات ومايحرمني منكم

شمس/يووووه الحين نصور مييييييت ويعرف السالفه هههه

الكل /ههههه ههههههه

ابوناصر/اذا جاء بعلمه

ناصر/مايحتاج سمعت وعرفت

الكل /بسم الله من وين طلعت؟؟

ناصر/اصلا انا مارحت جلست هنا خخخخ

ابوناصر /اخس عليك من ولد يعني كنت تتسمع علينا؟؟

ناصر/يبه غصب عني انت تعرفني كان مت لو ماعرفت

شمس/بسم الله عليك

ناصر/الحين يابنت الخال صرت اقدر امر وانهي عليك هع

ابوناصر/تخسي مايامر عليها غير سميي

شمس/ايوالله خالي صادق

ناصر/كش عليتس انتي وزوجك الغبي هذا هو راح ومارجع شكله اعرس ونساك ههههاي

ابوناصر/فال الله ولافالك .ان شاء الله بيرجع قريب

شمس/كله مني لو مو انا ماسافر

ابوناصر/ياليت كنا عرفنا قبل يسافر كان

ام ناصر/الي صار صار وربي يرده لكم سالم

شمس/يالله انا تأخرت لازم ارد البيت تصبحون على خير

ناصر/بجي معك اوصلك يابنت الخال هع

شمس/فديت ولد خالي حياك

ابوناصر/انتبهي لنفسك يابنتي

شمس/خالي

ابوناصر/عيون خالك

شمس/وش بتسوي بموضوع امي؟

ابو ناصر/بكره الصبح بمرك ويصير خير

شمس باست راس خالها/لبى قلبك والله

ناصر/يالله بلا نصب على هالشايب

الكل/ههههه هههههه ههههههه

*****************************************
قبل الفجر وبالبريه لحالهم

راشد/سعد تكفى اسكت انت بخير مافيك شي بس خلك قوي

هذا احنا قربنا ان شاء الله الظهر وحنا واصلين

سعد ونفسه يتقطع/مااااظن يمديني انناااا خللااااص

ساااعتتيي قرررببببت.ابـــ يــــ كــ .تـــسسســااا مححننيي

راشد وهو يبكي/سعد تكفى بس مابي اسمع شي ومابيك تتعب نفسك اكثر

سعد/ررااااشـــشـــددد بــــ بــــــووصــــيييييك وصيييه

راشد/ قول الي تبي يالغالي

*****************************************

>>>الصبح ابوناصر مر على شمس واخذها وراحو لبيت قمر

عايشه تفتح الباب/شمس؟؟وشفيك جايه من الصبح؟فيك شي؟

شمس/اشششش مابي امي تسمعك

عايشه بصوت واطي/وشفيه؟

شمس/اسمعي خالي سعد معي .انا علمته بكل شي وهو سامح امي وجاي يبي يسلم عليها

عايشه/ماني مصدقه؟معقول سامحها؟؟

شمس/ايييه بس خليني انا بصحيها روحي سوي القهوه والفطور زين؟تعال ياخال

ابوناصر/درب درب

عايشه/هلافيك يابوناصر تومانور البيت

ابوناصر/المهلي مايولي.ضبطي القهوه عشان اقول فيك شعر

عايشه/تقول فيني شعر؟؟هالكلمه قد سمعتها بس وين وين وين

ابوناصر/هههههه بعدين اعلمك وين

>>>>دخل سعد مع شمس وكانت قمر توها طالعه من دورة المياة

قمر/عايشه؟؟

شمس/لايمه مو عايشه

قمر/شموس؟خير يمه فيك شي؟

شمس/ههههه لايالغاليه بس اشتقتلس هههه

قمر/اففف الله يسامحك خوفتيني .تشتاقلس العافيه ياعمري ههههه

شمس/اقول يمه

قمر/عيون امك

شمس/تسلم لي هالعيون .امممم عادي لو عزمت ضيوف في بيتك

قمر/البيت وراعيته تحت امرك ياروح امك.

شمس/فديتك والله ..طيب الضيوف معي الحين ومستعجلين يبون يسلمون عليك

قمر/ضيوف من صباح الله خير؟انا على بالي العصر

شمس/يعني مابتستقبلينهم؟

قمر/لايمه دام جو حياهم الله البيت بيتهم

سعد/تحيين وتدومين ياأم شمس

قمر كل شعر جسمها وقف((هالصوت مستحيل اتوه عنه))

سعد/الدنيا تفرق وتجمع

قمر/سعد!!!!

سعد/بشحمه ولحمه

قمر/شمس.الحقيني يمه

شمس/يمه وشفيك؟

>>>>قمر طاحت مغمي عليها

نهايه البارت18
****************************

دمعة ندم* · منذ /01-21-2012, 02:01 AM

""الــــــبــــــــــ 19ـــــــارت ""

"مـــــوت سعد"

راشد/سعد سعد تكفى لاتخليني.ادري انك تمزح قوووم .انا

صديقك راشد معقول بتروح وتتركني؟سعد سعد

>>>>وجلس يضم سعد على صدرة ويبكي على رفيق عمره الي مات بين ايديه

************************************
شمس/يمه يمه تسمعيني؟

سعد/قمرة ردي علي انا سعد

قمر/انا وين؟

سعد/انتي ببيتك وبين اهلك

قمر/انت سعد؟

سعد/ايه سعد

قمروهي تبكي/سامحني ياخوي سامحني

سعد/الله يسامح الجميع

قمر/ادري اني مااستاهل اعيش .ياليتك خليت ابوي يذبحني وانا صغيرة

سعد/اششش مابي اسمع هالخرابيط.الي صار صار

ومابغى بالعمر كثر الي راح .ربي اراد اننا نجتمع بأخر عمرنا ونكون جنب بعض والبركه في شمس صح اني حقدت عليك بس بعدين قلت دام اخترتي حياتك بعيد عني انا بعتبرك متي .وفعلا كنت معتبرك ميته لحد ماشفت شمس .كنت احس كل مااناظر لعيونها احس بشي يشدني لها واحس انها تشبه احد وهالشي كان مسبب مشكله بيني وبين ام ناصر كانت تفكر نظرتي لشمس نظرت اعجاب بس ماقدرت اقول وش بخاطري..

شمس/يمه ماقلت لك ان خالي سعد قلبه ابيض وبيسامحك

قمر/بس انا مقدر اسامح نفسي

سعد/قلت لك الي صار صار وانتهى .بس ودي اسئلك سؤال؟

قمر/اكيد عن فواز

سعد/هو وينه وايش صار بينكم وليش انتي جيتي ديرتنا لحالك؟
قمر/سالفه طويله ياخوي

سعد/خلاص وقت ماتحبين تسولفين انا موجود.على فكره من بكره راح ابدأاجهز لك بيت يليق فيك ويكون جنبي انا وصالح .

قمر/امي قلت لها؟

سعد/لاباقي.تصدقين اني خايف عليها من الصدمه؟امي ماعاد تتحمل بس لازم تعرف

شمس/انا بقولها بطريقتي

سعد/ايه عاد جدتك تحبك وانتي ماتقربين لها اجل الحين وانتي بنت الغاليه وش بتكون معزتك؟

شمس/فديتها جدتي

سعد/يالله الحين بروح اخبر صالح

قمر/بحفظ الله يالغالي

*********************************
ابوسعد/وشفيك يامره؟من امس متغيرة

نورة ام سعد/مدري احس بضيقه على صدري وقلبي مومرتاح

لافي/يمه سعد مافيه الا العافيه لاتخافين

ام سعد/اجل وينه للحين؟تكفى روح دور اخوك

لافي/ابشري يالغاليه بنتظر يومين لومارجع بطلع ادور عليه

ابوسعد/يعني موكفايه واحد بعد بترسلين الثاني؟

>>>>قطع كلامهم صوت دق الباب

ابوسعد/قوم شف الباب يالافي

لافي يفتح الباب/هلا عمي سعد تفضل

ابوناصر/ابوك هنا؟

لافي/ايه تفضل

ابوسعد/السلام عليكم

الكل/وعليكم السلام

ابوسعد/هلااخوي كيف حالك غريبه زايرنا الصبح بالعاده بعد المغرب؟

ابوناصر/لان السالفه ماتنتظر للمغرب

ابوسعد/خير ياخوي

ابوناصر/السالفه الي بقولها يمكن ماتصدقونها

لافي/قول ياعم ترا اقلقتني

>>>>>سعد علمهم بالسالفه واكثر شخص كان طاير فرح لافي

بس لما تذكر ان شمس صارت زوجه سعد انكسرت فرحته وطلع من البيت

******************************************

شمس/جدتي

الجده ام سعد/قولي يانور عين جدتك

شمس/تخيلي اكون بنت ولدك سعد

الجده/انتي مثلها وزود ياقلبي

شمس/لالا جد لو كنت بنته وش بتكون رده فعلك؟

الجده/اكيد بكون فرحانه ان عندي بنت ولد مثلك .انا احب البنات بس ربي مارزقني ببنت .وبنت ولدي صالح مثل قلتها الله يقلعها

شمس/طيب ياجده بقولك سالفه وابيك ماتنفعلين والا مابقول

الجده/طيب قولي اسمعك.بس والله لو سالفه ماتسوى لاكسر هالعصار على ظهرك

شمس/هههههه لا تسوى

الجده/يالله قولي

***************************************
>>>>>شمس علمت جدتها بالسالفه والجده كانت قويه ماشاء الله كانت اقوى مما توقعو يمكن من كثر ماشافت بهالدنيا

تحملت الصدمه والحين الغدا ببيت سعد والكل موجود

والفرحه ماليه البيت ..بعد الغداء اجتمعو عند الجده يسولفون ويضحكون بس قطع عليهم السوالف الدق الي عالباب

ناصر/ياليل من بيجي هالحزة؟

ابوناصر/قم افتح وعن الهذرة الزايده

ناصر يفتح الباب/راشد!!ياهلا والله

الكل/سعد!!!!!!

راشد بحزن /هلا ناصرابوك موجود؟

ناصر/عسى ماشر وشفيك؟

ابوسعد/راشد وين سعد؟

>>>>راشد يناظر للفرس الي وراه ونزل راسه

لافي يهز راشد/اخوي سعد وينه؟انطق قوووول

ابوسعد/خير ياولدي وش صاير؟

راشد/سعد يطلبكم الحل

ام سعد/لاااااااااااااااااااااااااااااا

**********************************************
بعد مرور اسبوع

لافي/يمه البنت مالها ذنب حرام الي تسوينه

ام سعد/لاعاد تدافع عنها ترا والله لاغضب عليك ليوم الدين

لافي/ماادافع بس هذا كلام الحق

ام سعد/يعني هان عليك اخوك يموت بسبتها؟

لافي/تدرين انها قالت له لاتروح وهو لزم يوفي بوعده

ام سعد/حتى ولو تضل هي السبب لولاها ماراح مني ولدي

لافي/الحرمه في العده ولازم تقضي عدتها ببيت زوجها

ام سعد/يعني وشو؟بتجلسها هنا غصب عني؟

لافي/يمه ياحبيبه القلب اذكري الله .تدرين ان سعد

الحين بقبرة موراضي عن الي تسوينه؟سمعتي بأذنك راشد وهو يقول ان سعد وصانا كلنا على شمس وقال قدر شمس من قدري اذا يبوني ارتاح بقبري لحد يزعلها

ام سعد تبكي/حسبي الله عليها احرمتي وليدي

لافي/استغفري ربك ياام سعد الموت حق عالجميع

ام سعد/استغفر الله..خلاص تجلس بس قولها المكان الي انا فيه لاتجلس فيه مابي اشوفها قبالي ابد

لافي/ابشري بقولها بس وسعي صدرك الله يرضى لي عليك

>>>>خبر موت سعد اثر عالجميع واولهم شمس .احساسها

بالذنب معذبها ونظرات ام سعد وعدم تقبلها لوجودها

بالبيت مو مريحها ..راشد قالهم ان سعد وصاه يدفنه

عند اهله ووصها يبلغهم ان محد يزعل شمس

مزون اغلب وقتها بغرفتها ماتطلع الا للضرورة . صارت

تتجنب تجلس مع احد بسبب تغير شكل جسمها الي

تحاول تخبيه قد ماتقدر

..قمر سكنت جنب بيت اخوانها وامها جلست عندها كل شي

بحياتهم صارحلو الا موت سعد هو الي نغص عليهم الفرح

فايز اجل زواجه من حسناء عشان موت سعد

******************************************
يوم وراه يوم

شهر وراه شهر

مرت 4شهور وتسع ايام

واليوم اخر يوم بعده شمس

>>>>لافي كل ماشاف شمس وشاف شكلها كيف صار

قلبه يتقطع عليها .البنت مررره نحفت وشكلهاتغير .

.كان لافي مار من قدام غرفتها وشافها ترتب والغرفه فيها كم شنطه..

لافي/السلام عليكم

شمس/هلا..

لافي/وش هالشناط؟

شمس/........

لافي/ردي علي.

شمس/بروح عند امي

لافي/وشو؟؟

شمس/بروح بيت امي

لافي/سمعت الكلمه بس اتوقع تمزحين صح؟

شمس/لااتكلم جد ناصر بيجي بعد شوي عشان يودي اغراضي هناك

لافي/لاياشيخه؟وعلى كيفك الشغله؟ردي ردي الملابس بالدولاب احسن

شمس/انت وش دخلك؟ليش حاشر نفسك بكل شي؟

لافي/طلعه من هالبيت مافي؟

شمس/اظن عدتي تنتهي بكره وينتهي وجودي بهالبيت

لافي/هالبيت بيتك ومالك طلعه منه حتى بعد موت سعد

شمس/انا كلمت خالي صالح واخذت الاذن منه وهذا الي يهمني

لافي قرب منها ومسكها من كتوفها وشد عليها/اظن سمعتي وش قلت؟؟ولافي مايعيد كلامه مرتين

شمس بألم وبعناد/وانت اظن سمعت وش قلت .انت مالك

حكم على ومن اليوم مابي تتدخل بشي يخصني فاهم

لافي بحزن/كل ذا عشان تحرميني شوفتك؟

شمس/هههه لاتغتر بنفسك.وتعطي نفسك اهميه عندي.انت ولاشي

>>>لافي حس بكلامها مثل السكين تنغرس بقلبه بس ماصدق انها تكون قاصده

لافي مسك وجهها بين ايديه/ متأكده؟

>>> قرب لافي من شمس اربكها ولخبط كل مشاعرها

الي طول هالفتره تحاول ترتبها بدون وجود لافي فيها

شمس/وخر عني

لافي /جاوبي

شمس((يارب ساعدني مابي اضعف وابين اني باقي احبه ))

شمس/متأكده اكثر مما تتصور

وازيدك من الشعر بيت انا قريب بتزوج

صـــــــدمـــــــه قـــــويـــــه!!!

صـــــــدمـــــــه قـــــويـــــه!!!

صـــــــدمـــــــه قـــــويـــــه!!!

//////////////////////////////////////////

بعد كم شهر

الجده/يابنت وخري عني

شمس/جدتي تكفين

الجده/اقول استحي على وجهك وش تكفين؟

قمر/شمسوه لاتطفشين جدتك

شمس/يمه رجاء لاتتدخلين بيني وبين جدتي حبيبتي

الجده/وجعوه وش في البنت انهبلت؟

شمس تخبي ضحكتها/يالله جدووه

قمر/شمس من جدك؟

شمس/اجل امزح؟يالله جدوه والا بقول لخالي سعد عن الي قلتي لي هههههه

الجده/ليش وش قلت عشان تهدديني ياقرده

شمس/مو قلتي ان العم بو صويلح يبي يتزوجك وانتي موافقه بس خايفه خالي يرفض؟

الجده/وشووووو؟؟؟؟؟؟

قمر /يمه من جد هالكلام هههه؟؟

شمس/يمه خلاص ماله داعي نحرجها اكثر هههه

الجده /حسبي الله عليك من بنت .

شمس/هاه بتقومين ترقصين والا اعلم خالي

الجده/الحين اوريك الرقص.ان ماخليت هالعصا تعلم على ظهرك ماااكون ام سعد

شمس وهي تقوم تبي تنحاش/جده جده وربي امزح بس لاتطقين

الجده/تمزحين هاه

شمس/هههههه هههههههه اذا فيك شده الحقيني

>>>>وراحت تجري لغرفتها

شمس خلاص سكنت عند امها بعد ماقالت لخالها انها تبي تكون قريبه

من امها الي انحرمت منها كل هالفترة وهو وافق.

لافي فقد شمس لانها اول مره من عرفها تكون بعيده عن نظرة

بس ماقدر يسوي شي او يمنعها

****************************************

قمر/ يالله حي لافي .تومانور البيت .اعذرني ياقلبي شمس وعايشه ماهم بالبيت وماقدر اسوي لك قهوة

لافي/ادري انهم ماهم بالبيت عشان كيذا جيت

قمر/عشان كيذا جيت؟وش السالفه ياوليدي؟

لافي/عمه بسئلك سؤال وجاوبيني بصدق

قمر/تراك خوفتني ..

لافي/من الي بتتزوجه شمس؟

قمر/!!!!!

لافي/اممم سئلت عشان اشوف هل هو شخص يستاهل يكون محل اخوي سعد او لا

قمر/بس؟؟

لافي/ايوة بس..هاه من هو؟

قمر/عندك شمس اسئلها

لافي/مابي اسئلها ابيك انتي تقولين لي عشان ارتاح

قمر/ترتاح؟

لافي/قصدي نسئل عنه ونشوف اخلاقه

قمر/متأكد مافي سبب غير الي قلت لي؟

لافي بأرتباك/ايه مافي غيره

>>>>قطع عليهم الكلام دخول شمس وعايشه

عايشه/السلام عليكم ..ماشاء الله عندك ظيوف..

لافي((ياليييييل وش الي جابهم الحين))

قمر/لافي راعي بيت موظيف يالخبله

لافي/تسلمين.ياعمه

شمس/عن اذنكم

لافي/السلام لله يابنت العمه

شمس/معليش ماشفتك

قمر/شمس تعالي اجلسي معنا شوي

شمس/يمه مصدعه وبروح غرفتي

لافي/سلامتك..لاتروحين انا بمشي ..توصين شي ياعمه؟

قمر/بدري يمه؟

لافي/لاعندي اشغال فمان الله

الكل/بحفظ الله

>>>بعد مامشى لافي

قمر/شمسوه؟وجع ..وش هالاسلوب الي قابلتي ولد خالك فيه؟

شمس/عادي

قمر/لاموعادي هذا لافي !

شمس/ادري ادري.

قمر/وشفيك يمه؟

شمس/اسفه يمه مابي اتكلم مع احد بروح انام

قمر((وش السالفه؟قلبي يقول فيه شي))

***************************************

بعد اسبوع

>>>>حالتها زفت حاولت بكل الطرق تخبي بطنها بس لحد هنا وماعاد تقدر

بعد العشاء راحت لحسناء

مزون/تكفين تعالي معي

حسناء /معليش اسفه .فايز لو درى مو بعيده يطلقني

وصراحه ماني مستعده اخسر فايز عشان احد

مزون/انا احد؟

حسناء/افهميني يامزون.صعبه اروح معك بيت هالخسيس لو شافني فايز وش بقوله ؟

مزون/ماراح يشوفك

حسناء/والله اعذريني مقدر اغامر..خلي عذاري تروح معك

مزون/عذاري الزفت عييت

حسناء/الي عندي قلته اسفه مره ثانيه

مزون/هذا اخر كلام عندك؟

حسناء/ايه

مزون بزعل/طيب شكرا مع السلامه

حسناء((ازعلي شوي وبترضين بس فايز بموووت ))

>>>>>طلعت مزون ماتشوف قدامها من الدموع والزعل

كان ودها احد يكون معها بس قررت تحل مشكلتها بنفسها

>>>> سلمان كان دايخ نوم مواصل من امس

سلمان/ميييييين

مزون/افتح انا مزون

سلمان ((يالييل هذي وش تبي))

سلمان/نعم ؟فيه شي

مزون/خل ادخل ونتفاهم

سلمان /ادخلي ..بس نتفاهم على ايش؟

مزون بعد ماجلست وفسخت عباتها/هو في شي غير الي ببطني؟

سلمان/ياليييل ترا حدي تعبان من امس مواصل ومابي سوالف تافهه تخرب مزاجي

مزون/الحين سمعتي وسمعت اهلي شي تافهه بالنسبه لك؟

سلمان/هههههههههه فديتك يالي تهتمين للسمعه

مزون/سلمان بجد انا خلاص مقدر اخبي بطني اكثر من كيذا احنا لازم نتزوج والحين

سلمان/هههههههههههه ههههههههههه ههههههههههه تحلميييييييييييييييييين

مزون/...............

سلمان/انا اخلي بنات عمامي وخوالي واخذ وحده مثلك انتي ؟ليش مهبول ؟

مزون/ليش وش فيني؟مو كنت ميت علي؟وتحب رجولي عشان اطالع فيك

سلمان/هذاك اول ..الحين صرتي مثل الجزمه القديمه يعني مكانك مو هنا

مزون بقهر/اجل وين مكاني؟؟

سلمان /الــــــزبــــــــــاااااااااله ههههههههههههه هههههههههههه هههههههههههههه

مزون/ والله انك انت واهلك وكل قبيلتك مكانكم الزباله ياحقييررررررررر

>>>>سلمان مسكها من شعرها وجرها يبي يطلعها برا البيت

سلمان/الحقيرة انتي الي تبيع شرفها مكانها الزباله يابنت صالح

مزون /حقيييييير ...كلببببب والله لاورييييك

سلمان/والله ان شفتك جايه هنا بيوم لاذبحك

>>>>ماامداه يكمل جملته الا و..

آآآآآآآآه ..آآآآه

>>>>طعنه تنغرس في صدره

مزون وهي تبكي /ماراح يمديك تشوفني ياكلب

>>>>>مزون بكل كرهه وبكل حقد وبكل قهر وبكل حزن على نفسها .اعطت سلمان طعنه قويه بصدره خلته يطيح عالارض ميت

مزون/هههههه هههههه ههههه هاه بتتزوجني؟؟والا باقي بنظرك جزمه؟

سلمان/..................

مزون/سلمانوة؟ليش ماترد ؟يالله قوووم عشان نتزوج هههه هههه يالله قوم عشان تلبس البشت هههه

والبس لك الفستان الابيض هههه مو انت تقول تحبني؟هههه سلمان ..سلمان !

>>>>مزون ماكانت تحس بنفسها من الصدمه وجلست تبكي وتضحك بهستريا وتقول

مزون/ليش تموت قبل نتزوج ياكلب ليييييييييش ؟سلمان والله احبك بس قوووم

>>>>الباب كان مفتوح شوي وكان مار من جنب البيت واحد من حارة سلمان وسمع مزون وهي تهلوس وتبكي

..طل براسه من الباب وشاف سلمان مقتول وهي ماسكته وتبكي

راح وبلغ الشرطه وعلى طول جوووو

دخلو البيت وحصلو سلمان ميت بس تفاجأو بالي معه!!

مزون كانت بجنبه بس جثه لانها حست انها من جد انفضحت بعد ماذبحت سلمان

وبسبب الحاله النفسيه الي كانت فيها وبلحظه جنونيه انتحرت !!!!

***************************************

نهاااايه الباااارت19

اتمنى يعجبكم وترقبو الباااارت الاخير

***/الضايع في سما الحب/*** · منذ /01-21-2012, 10:42 AM

لالالالالالالالالالالا حرااااااام كذى تعرفين اناااا صرة
اخليكي تحطين البااارات وبعدين اقراهااااا كلهاااا
اه انااااا مجنون دخلة ذلحين يااارت دخلة لماااا تخلصي
الروااااايه حمااااااااااااس عنجد روعه ياااا مبدعة المنتدى
الاخلا ولا عدم وحستنااااا علشااان خاااااطر سيدة العمااال
الله يوفقك

**البـارونه** · منذ /01-22-2012, 02:23 AM

كملي كملي دموعه .
حمسسسسستيييني .
كملي بسرع وقت تكفييين .
ننتظرك هاه لاتطوليين .

**صمت الانكسار** · منذ /03-23-2012, 06:21 PM

دمووووووعهه كملي

مممتى الباارت !!!

دمعة ندم* · منذ /03-24-2012, 11:51 PM

معلييييش لكل المتابعين جدا جدا اسسسفه حبايبي والله غصب عني شويه ظروف اخرتني عن تكمله البارت الاخير

بس من عنوني بعد الاجازة مباشرة راح انزل البارت الاخيييير

لكم مني كل الحـــــــــــــــب

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق