منيره/سعد بس عاد
سعد/زوجتي وكيفي
منيره/بس موهنا تدري استحى واخاف
امك تشوفنا والله فشله
سعد/امي في سابع نومه تعرفينها ماتغط في النوم
الا اذا عندها سوالف .
منيره/يعني متأكد ماتشوفنا؟؟
سعد/ايه متأكد بس قربي مني
ام سعد/يابنيتي أي شي يقوله رجلك صدقيه
منيره/
سعد/يمه انتي صاحيه
ام سعد/لامن قالهههه
منيره حست بالفشله وراحت غرفتها
سعد/هههه آه منك ياام سعد كذا تسوين فينا؟
ام سعد/انتو الي جيتو عندي .كان تغزلت فيها بغرفتكم
سعد/اناعادي بس البنيه تفشلت.
ام سعد/ماعليك منها بتتعود.اسمع ابيك
تشري لسعيدان ثوب وحذيان طلبني
قبل كم يوم ونسيت
سعد/ابشري بجيبها بس ثيابه جديده
وابوه موقصر غريبه طلبك ؟
ام سعد/بيعطيها صديقه احمد
سعد/اهاا طيب اليوم اجيبها مايصير خاطرك
الا طيب تامرين على شي؟
ام سعد/على وين؟
سعد/امم بروح اشوف منيره
ام سعد/ههههه ايييه سلم عليها
¤¤¤¤¤¤¤¤¤¤¤¤¤¤
بعد شهرين
سعد/سعيدان من الولد الي كان معك؟وليش انحاش يوم شافي؟
سعدص/هذا صديقي احمد.هوماانحاش بس يستحي منك
سعد/اهااا طيب كان رد السلام عالاقل.
سعدص/هو عشان كذا انحاش
سعد/كيف يعني؟
سعدص/هو مايتكلم يعني اطرم جاته سخونه وهوصغير ومن بعدها صار كذا.
سعد/طيب تفهم عليه؟
سعدص/اكيد افهم وانت بعد اذا عرفته زين بتفهم عليه
سعد/طيب اخلاقه كيف؟
سعدص/اخلاقه ممتازه
وترا الولد ذكي.
سعد/ طيب عرفنا عليه
سعدص/ابشر المرة الجايه بخليه يجي معي ونزورك ببيتك
سعد/امحق ضيوف هههههه
سعدص/ههههه لابنعجبك . .
¤¤¤¤¤¤¤¤¤¤¤¤¤¤
بعد مرور 3 سنوات ونص .قمر صار
عندها بنت عمرها 3سنين وسمتها
شمس وولد عمره سنه سمته علي ..
سعد جاله ولد سماه ناصر والحين عمره سنه ونص وعمه ناصر طاير فيه من الفرحه
¤¤¤¤¤¤¤¤¤¤¤¤
شيخه/ قلت لك ماعندي
فلاح/اجل من وين طلعتي الفلوس
وشريتي السرير ؟
شيخة/ماشريته قمر غيرت سرير بنتها
وعطتني هذا لبنتي.
فلاح/طيب دام هالقمر طنخه وهبله ليش ماتستغلينهاوتشفطين منها فلوس
على قد ماتقدرين ؟
شيخه/الحرمه طيبه وماهي مقصره معي
بأي شي ليه استغلها؟وبعدين بدل
ماتقول كذا ليه ماتروح تدور لك
شغله بدل الهياته والسم الي تشربه؟
فلاح /تعايريني يالكلبه؟ انا اوريك
... قام ومسكها من شعرها
شيخه/آي آي فك شعري يامال الكسر
فلاح/وين الفلوس؟
شيخه/مآآعندييي
فلاح/ماعندك؟ طيب الحين بشوف
..ونزل فيها ضرب وركل
شيخه/آه تكفآ خلاص ارحمني
فلاح/الفلوس وين؟ انا متأكد انك مخبيتها عني
شيخه وهي تبكي/هنآآك فوق الدولاب بس تكفي ارحمني
فلاح اخذ الفلوس كلها وراح.
شيخه/حسبي الله عليك
>>شيخه تحب قمر ودوم قريبه منها وقمرتعرف ظروف شيخه وماتقصر معها لابفلوس ولابغيرها.بس زوجهافلاح داشر ومايشتغل وكل ماشاف مع زوجته فلوس اخذها لمزاجه ووناسته ..
¤¤¤¤¤¤¤¤¤¤¤¤¤¤
مريم /اسفه مقدر
ساره/موع كيفك وبتساعديني غصب عنك
مريم/بس حرام وش ذنبها ؟
ساره/ذنبها انها اخذت حبيبي مني
مريم/هوالي فضلها عليك مفروض تنسينه.
ساره/حتآ ولو انا احبه ولازم يرجع لي.
مريم/بس هو يحبها ومرتاح معها.
ساره/فكينا من هالسيره .هاه وش قلتي بتساعديني والا؟
مريم /ياليت تعفيني
ساره/اهاا طيب اشرايك لوقلت لك ياتسوين الي قلت
لك او اعلم ابوك واخوانك عن سالم والا جاسم
والاأحسن شي اقولهم عن سطام هههه
مريم/اكيدتمزحين؟
ساره/لاجد.هاه موافقه؟
مريم/حسبي الله عليك خلاص موافقه
ساره/فديتها صديقتي
مريم{الله ياخذك ويفكني منك }
¤¤¤¤¤¤¤¤¤¤¤¤¤¤
"بعديومين"
قمر/ياهلا ويامرحبا تومانور البيت
مريم /منور بأهله تسلمين
قمر{غريبه وشعند ساره جايتني؟ بالعاده ماتطيقيني
ولاحتآ تسلم علي؟ومدري ليه؟}
ساره /من زمان نفسي ازورك بس مستحيه .صح مريم؟
مريم/ايه صادقه ساره
قمر/اشدعوه احنا خوات ومابيننارسميات .
مريم/حتامن كثر حب ساره لك جابت قهوتها
معها عشان ماتتعبك
قمر/يالبى قلبك ليش تعبتي نفسك ؟
ساره/لاتعب ولاشي .هاتي هاتي خليني اصب القهوه
قمر/لامايصير انتي ظيفه انا بصبها
ساره/والله مايصبها غيري.خذي من ايدي
قمر /تسلمين ياعمري
ساره/اقول قمر وين العيال ماشوفهم؟
قمر/ابوهم اخذهم يمشيهم
ساره/اهاا يمشيهم طيب تقهوي تقهوي
مريم/بيتك مره جنان وذوقك حلوبكل شي
قمر/عيونك الحلوه
مريم/قمراشفيك؟
قمر/مدري احس بدوخه
ساره/كملي قهوتك
قمر/بس اكتفيت
مريم/شكل تبين تنامين ومستحيه تقولين
قمر/لاوالله شبعانه نوم بس مدري ليش دايخه
مريم/يمكن حامل
قمر/لاماظن
ساره/يالله احنا بنروح ونخليك ترتاحين
قمر/اجلسوا شوي.
مريم/لا كفايه كذا .نجيك مره ثانيه.
بعد ماراحوا قمر حطت راسها ونامت
¤¤¤¤¤¤¤¤¤¤¤¤
موضي/اف ناصر وناصرترا رجيتيني بهالولد!
ناصر/ليش معصبه؟
موضي/كذا مزاج.وبعدين الفلوس الي قاعد
تصرفها على ملابسه والعابه انا اولى فيها.
ناصر/اففف أنتي ليش كذا؟اي شي يفرحني تكرهينه؟
موضي/لاوالله؟ومن متى انت تقولي اففف هاه؟
ناصر عطاها نظره عمرها ماشافتها منه وخلاها وطلع
موضي/!!!!
¤¤¤¤¤¤¤¤¤¤¤¤
قمربعد نوم دام ساعتين
قمر/يوه جاء اليل وانا باقي نايمه؟
خل اقوم اولع النور ،،قامت قمر ولعت النور
قمر/افف أشفي النور مايولع؟غريبه
فواز/السلام عليكم
قمر/هلافوازي.اسمع ليش النور طافي؟
ابي اروح المطبخ وماني شايفه
فواز/النور مولع.وبعدين احنا باقي العصر يعني مابعد ظلمت .
قمر/العصر!!كيف العصر وانا اشوف البيت ظلام؟
فواز/تتكلمي جد؟؟
قمر تحرك ايدها بالهواا قمر/فواز انا ماشوف ماشووف
فواز/اييش؟؟
قمروهي تبكي/فواااز.اناانعميت ماشووف
فواز/اهدي ياعمري اكيد من قل الاكل
قمر/آآه يمه اشلون اعيش وانا عمي ؟كيف بربي عيالي؟
فواز/قمر حبيبتي لاتصيحين .ابيك تريحين اعصابك وتنامين شوي وانا برسل احد يجيب لك الطبيب
قمر بدون ماتعارض حطت راسها عالمخده ونامت على امل انها تصحى من هالكابوس
¤¤¤¤¤¤¤¤¤¤¤¤
فوازجاب طبيب لقمر وقالهم انها انعمت والسبب عشبه ،
وقالهم انه مايدري هل بيرجع لهانظرهااولا،قمر جاها حالة اكتئاب وماصارت تختلط بأحد غير شيخه وخدامتها عايشه.
¤¤¤¤¤¤¤¤¤¤¤¤
سعدص ولافي وفايز وراشد وواحمدكانو جالسين عند باب بيت شاهر يسولفون.
شاهر/بكره عمي بيجي عندنا.
راشد/اهم شي العشا عندكم ههههه
العيال/ههههههه
سعدص/بس موتسحب علينا اذا جوو
شاهر/افا ماعاش من يسحب عليكم .
فايز/يالبى هالبنيات شوف كيف يتسابقون .
راشد/ههههه شف ذيك طاحت
لافي/اففف هالحماره ماتفهم يعني..وقام جهة البنات
شاهر/وش في لافي؟
فايز/افااليه يضرب مزون؟؟
رجع لافي وهومعصب .وجلس
سعد/ليش ضربتها؟
لافي/ستين الف مره قلت لها لاتلعب في الشارع بس ماتفهم
شاهر/اخوص يالعصبي.هههه
سعد/وجع مزون باقي صغيره والانسيت؟
لافي حتى ولو
سعد/قسم بالله تمد يدك عليها مره ثانيه اكسرها
لافي/اقول لاتسوي لي فيها كبير
شاهر/هدوا ياشباب وخلونا نكمل سوالفنا
لافي/انا بروح البيت
سعد/احسن
راشد/سعد بس
¤¤¤¤¤¤¤¤¤¤¤¤
نوره/مزون وشفيك تبكين؟
مزون وهي تبكي /لافي ضربني بس والله اعلم ابوي واخليه يطقه
نوره/خلاص حبيبتي .امم أنتي عارفه لافي مايحب تلعبين بالشارع
مزون/بس كل البنات يلعبون اشمعنى انا
نوره/عشانك احلا البنات
مزون /مالي دخل بعلم ابوي
*************
سعد راح للعم ابو سرور سلم عليه وطلبهم يجون يعيشون بديرته وهو بيأمن لهم بيت وبيكون مسؤل عنهم وراح يكون مرتاح ومتطمن عليهم اذا سكنوا عنده.والعم ابو سرور استشار زوجته ووافقت وجو مع سعد لديرته...
منيره/هاه ياخاله عسا مستانسه بديرتنا؟
ام سرور/لبا قلبك اكيد مستانسه
دام بديره الغالي واهله .
منيره/لالاكذابديت اغار
ام سرور/هههه يحق لك تغارين
هذا سعد فديته
ام سعد/والله فرحت بجيتكم انتوا غلاتكم من غلات سعد والي سويتوه معه ماراح ننساه طول العمر ربي يجزاكم خير
ام سرور/ماسويناغير الواجب
>>سعد قال لابووام سرورمايجيبون سيره قمرلانه قال لاهله انها ماتت من,زمان و انه تهاوش مع قطاع طرق ورموه بالنهر
¤¤¤¤¤¤¤¤¤¤¤¤ بعد شهر
موضي/مالي دخل الاسواره تجيني
يعني تجيني
ناصر/اي بس من وين؟
انتي عارفه البير وغطاه
موضي/مالي دخل دبر نفسك موانت رجال؟والايعني شايف ان بنت خالي احسن مني تشتري وانا لاء؟
ناصر/وش تبين اسوي يعني ؟اسرق مثلا؟
موضي/خذ من اخوك سعد والابس هوحلال عليه يلعب بالفلوس وحنا لا
ناصر/تدرين ماحب اطلب او اتسلف من احد
موضي/يعني مابتشتري لي الاسواره
ناصر/اذا صار عندي فلوس جبتلك.
موضي/اهاا الاقل منت كفو زوجه ومصاريف
ناصر/موضي اقصري الشر وعن طوله اللسان
موضي/لابطوله وبشوف وش تقدر تسوي؟
ام سعد كانت نايمه عند ناصر وقامت على صوت موضي العالي
ام سعد/خير اشفيكم؟
موضي/اظن هالشي مايخصك ارجعي نامي
ناصر/موضي بس اسكتي
ام سعد/ افا وانا ام سعد انا تقولين لي مايخصك؟ الشرهه ماهيب عليك على هالثور الي واقف ساكت.
ناصر/حقك علي يمه وامسحيها بوجهي
ام سعد/بس هذا الي قدرت عليه؟ اخس عليك
موضي/يالله انا بخليك مع امك الحنون وبروح بيت اهلي واذا جبت الي طلبتها منك تعال خذني
ناصر/موضي اجلي هالموضوع بعدين
موضي/لا مابأجله
ام سعد/ابي افهم انت متحملها ليش؟انت لورجال كان طلقتها ومن زمان.
موضي/ههههههه
ام سعد/كفايه طول هالسنين وهي حارمتك من الخلفه
موضي/ههههه ههههه هههه ههههه
ام سعد/انتي وش الي يضحكك صدق ماعندك احساس ولادم
موضي/نصوري حبيبي تكلم وفهم امك ليش متحملني.والا افهمها انا
ناصر. . . . .
ام سعد/ناصر طلقها الحين وانا ازوجك مره سنعه تملى لك البيت عيال
موضي/اول شي تأكدي من قدارت ولدك وبعدين فكري تزوجينه
ناصر/موضي بس كفايه
ام سعد/وش قصدك
موضي/انتوا طول هالسنين على بالكم انا ماجيب عيال.والحقيقه ان ولدك ناصر هو السبب
ام سعد/ناصر!!
موضي/ايه ناصر .عارفه ليه؟لانه عقيم
ام سعد/قص لسانك ولسان الي يقول عن ولدي كذا
موضي/اسأليه هذا هوقدامك
ام سعد/ناصر الي تقوله موضي صدق؟؟
ناصر. . . . .
ام ناصر/تكلم لاتجلس ساكت كذا
ناصر بعصبيه/ايه انا ماجيب عيال انا عاجز ارتحتوا؟.وانتي ياست موضي مشكوره على تضحياتك الجباره بس لاتنسين ان مافي احد في هالدنيا بيتحمل سماجتك وعشرتك الي تجيب الهم مثل ماتحملتك انا .حتى اهلك الي هم اهلك مايتحملونك مثلي.وخلاهم وراح للباب بيطلع بس فجأه وقف ولف
ناصر/موضي ...انتي طالق طالق طالق
موضي !!
************
نهايه البارت 5
ترا انا اول مره انزل بارتين وراه بعض بس كله لعيونكم
منذ /10-26-2011, 09:51 AM
رد: روايتي الجديده بين يديكم ((يآآآآحسافة)) 
5معجبون
اي حمود؟
..]
ــوب .... ].
هههه
